Wéi op der Assemblée Générale 2016 erkläert, huet den RL eng Demande beim lëtzebuerger Régulateur (ILR) gemaach fir en “accès anticipé” op d’5 MHz Band ze kréien, sou wéi dat och an enger Partie anere Länner schonn de Fall ass. Laut WRC-15 soll dat nämlech réischt den 1. Januar 2017 weltwäit vun den nationalen Autoritéiten an déi national Reglementatioun agefouert ginn. Den ILR ass awer d’accord fir dat zu Lëtzebuerg schonn éischter ëmzesetzen. Elo mussen allerdéngs nach all déi administrativ Prozeduren vum ILR erleedegt ginn, a réischt wann déi offiziell Publicatioun gemaach ass, däerf d’60 Meter Band dann och zu Lëtzebuerg vum Service Radioamateur benotzt ginn. Dëst kéint viraussiichtlech am Juni de Fall sinn.
Et bleift drun ze erënneren dass mir den utilisateur secondaire vun dem Band sinn, de Primaire also net stéieren däerfen!