Not published yet

Themen vun der QST vum 28. an 30. Januar 2022:

 - LX1DK SK
 - Wiederstatioun Rodange registréiert Vulkanausbroch
 - QSL Büro
 - Monatsversammlung zu Peppeng
 - YOTA Aktivitéiten
 - LX2VY Mendaly
 - Cotisatioun
 - LX5MF
 - LX-DX Toplist an Marathon

CQ QST, CQ QST, hei ass de Frank, LX1MG mat der QST-Emissioun vum Mount Januar vum RL.

 

Hoffentlech hutt dir all et gutt ugefaang, vun eiser Säit mol di beschte Wënsch, a virun allem, bleift gesond.

Leider war dat awer net fir jiddereen de Fall.

RL Logo SKEn OM deen wärend Joren d’Geschécker vum RL geleet huet, huet eis fir ëmmer verlooss. Den Joseph Kirsch, besser bekannt als “Jéis”, ass 1926 gebuer, 1957 huet hien seng Lizenz als Funkamateur kritt mat dem Ruffzeechen LX1DK.
Hien war 25 Joer als Sekretär vum “Réseau Luxembourgeois des Amateurs d’Ondes Courtes (RL)” aktiv an ass op der Assemblée Générale vum 20.3.1988 als President vum RL gewielt ginn.
Vun Ufank un huet hien drop gehalen dass d’LX’en hiert Vertrauen an den RL, mat dem sougenannten “ham spirit”, an hir Ënnerstëtzung bei den Aktivitéite vum RL, bäibehalen.
Och d’Relatioune mat der “Administration des P.&T.” sollte weider, esou wéi bis elo, a guddem Verhältnis ënnerhale ginn.
Hien huet dann och an de follgende Joren ëmmer erëm déi OMen felicitéiert déi sech ëm d’Infrastrukture vum RL, wéi eis Relais’en, Balisen, Digipeater a.s.w., sou wéi och seng Aktivitéiten ARDF, JOTA, QSL-Bureau, WEB-page, SarLorLux, Science Festival, bekëmmert hunn.
Den 8.10.1994 koum dunn no 44 Joer e neie “Règlement grand-ducal régissant les conditions d’établissement et d’utilisation des stations radioélectriques du service d’amateur” eraus an deen ënnert dem Jéis senger Hand dem RL seng Propositioune mat agefloss sinn. Et war vun do un net méi d’Post als “administration tutelle” mee d’ARN (Autorité Réglementaire Nationale) déi zoustänneg fir ons war. Vum 1.4.1997 ass d’ARN vum ILT (Institut Luxembourgeois des Télécommunications) iwwerholl ginn. Haut ass dat den ILR .
Op der Assemblée Générale vum RL, den 11.3.2001, huet de Comité vum RL der Assemblée proposéiert de Josy “Président d’Honneur” ze nennen. D’Assemblée huet dat “par acclamation” ugeholl. De Josy war bis dohin 13 Joer laang Président vum RL.
De Josy huet ons den 3.1.2022 am Alter vu 95 Joer fir ëmmer verlooss an den RL wäert hien an excellenter Erënnerung behalen. Mir drécken senger Famill eist déifste Matgefill aus.

Aner Leit hunn dëst Joer och mat Misär ugefaang.
Eis Wiederstatioun zu Rodange huet den Vulkanausbroch no bei Tonga dokumentéiert. Et huet ca. 15 Stonnen gedauert bis di éischt Drockwell ronderëm d'hallef Äerd gelaf war.
Di zweet Well den anere Wee ronderëm d'Äerd koum mi spéit.

15.01.2022 20:30  gesäit een den 1. Impuls.
15.01.2022 02:30  dann den 2. Impuls
1

http://wetter.rlx.lu
https://www.rl.lu/lx_weather.htm
https://www.rl.lu/qrz/links/weather

News vum QSL-Büro
De 5. Februar ass erëm en QSL.Drive-in zu Eesebour. Dat ganzt fënnt vun 10:00 bis 12:00 Auer statt, awer nëmmen mat Umeldung op . Déi nei QSL-Manager Equipe ass present an d’RL Memberen kënnen dann hir QSL-Kaarten ofginn an ewech huelen .
Denkt awer un äre Mask. Et gëtt och de Moment nach ëmmer kee Gedrénks an och kee Club-Owend.

D'Monatsversammlung zu Peppeng loosse mir dëse Mount och nach eng Kéier ausfalen.

 

An da siche mir e motivéierte Member deen sech ëm d'YOTA Aktivitéiten a Jugendaarbecht bekëmmert. An dësem Beräich schlummert e risegt Potential un zukünftege Memberen vun eisem Veräin.

 

Am Kontext vun PR a Rekrutement felicitéiere mir dem Mendaly, LX2VY, fir seng Nominatioun am entspriechenden Aarbechtsgrupp an der IARU vun der Regioun 1.

Wat ass eigentlech d'IARU?
D'International Amateur Radio Union (IARU) ass déi weltwäit Federatioun vun den nationalen Amateurradioorganisatiounen. D'Memberschaft vun der IARU besteet aus méi wéi 160 Member-Gesellschaften a genee esou vill Länner a getrennten Territoiren.

 

2
D'Länner mat IARU Member Gesellschaften si giel gewisen

D'IARU gouf op enger Versammlung zu Paräis am Joer 1925 als internationale Vertrieder vun der Amateur Radio Beweegung gegrënnt. Zu där Zäit huet een just ugefaang d'"kuerz Wellen" ze verstoen an ze exploitéieren fir d'global Kommunikatioun, mat Leeschtungen an Antennen déi am Besëtz vu Privatleit waren, an déi aus hiren eegenen Haiser eraus operéiert hunn. Dës Radioamateuren hunn eng Organisatioun gebraucht fir hir Aktivitéiten ze koordinéieren an hir Stëmm op internationale Konferenzen ze vertrieden. Hei de Link op hier Säit: https://www.iaru.org/  Ze bemierke bleift dass den RL mat Grënnungsmember vun der IARU ass.

Hei e Message vum Paweł Zakrzewski, SP7TEV, IARU Liaison Officer vun der Polnescher Amateur Radio Union (PZK)
Léif Amateurradiofrënn, empfänkt als éischt eis häerzlech Wënsch fir e rouegt Neit Joer 2022, voller Gesondheet a Rou!!!
Am Numm vum Här Armand Budzianowski, SP3QFE - ARISS-Europe Mentor a Member vun der polnescher Amateur Radio Union (PZK), wëll ech d'Informatioun iwwer de Resumé vum "20 years of active amateur radiocommunication service on the International Space Station" Award vermëttelen. Kuckt heifir op  https://forums.qrz.com/index.php?threads/summary-of-the-award-activity-download-your-award-please.793701/

Et ginn di eng an di aner. Verschidde Leit hunn hir Cotisatioun vum leschte Joer nach net bezuelt, anerer hu schonn fir dëst Joer bezuelt obwuel den Tarif vun der Cotisatioun jo eréischt op der Generalversammlung am Mäerz festgeluecht gëtt...

Niewebäi kann ee bemierken dass eist Sonderruffzeechen LX5MF bis elo 15356 QSOen mat 10412 verschidden Statiounen aus 162 Länner era bruet huet. Dëst Ruffzeechen ka jo nach bis den 26. Mäerz geschafft ginn.

3D'Lëtzebuerger DX-Toplist ass och erëm fälleg. Wéi ëmmer ass jiddereen agelueden fir matzemaachen. Schéckt w.e.g. einfach den ausgefëllten Formulaire bis den 1. Februar 2022 un de Philippe LX2A.
D'Resultater ginn duerno erëm am Bulletin an op eiser Homepage publizéiert.


Mir invitéieren all eis Memberen nees beim LX-HF-Marathon 2021 matzemaachen. Dëst ass eng Clubintern Aktivitéit fir RL-Memberen mat engem LX-Ruffzeechen. Hei fënnt een och d'Reegelen op englesch oder franséisch.
Denkt och nach w.e.g. drun äre Log vun 2020 bis Enn Januar 2021 eranzeschécken! 


ubaOch der UBA hiren "special events stations award" mat 64 Statiounen ka nach bis den 28. Februar geschafft ginn. Mat dësem Event feieren eis belsch Frënn hiert 75jähregt Bestoeen ënnert dem Motto: "UBA 75 On The Air Event".
Pabeier QSL Kaarte ginn nëmmen gratis iwwert OQRS (Online QSL Request) via Clublog, oder via Bureau geschéckt. Denkt drunn datt den OQRS System vum 31. Mäerz 2022 un zou ass. QSL Kaarte gi fréistens am Abrëll 2022 verschéckt.
 

 

 

5Ganz Dänemark feiert der Krounprinzessin Mary hiren 50. Gebuertsdag. Aus dësem Grond wäert d'Experimental Danish Radio Amateurs Association (EDR) zwou speziell Statiounen aktivéieren mat de Ruffzeechen OZ5ØHRH/xx an OX5ØHRH aus Grönland. De 5. Februar, vun 00:00 UTC bis 23:59 UTC, sinn dës zwee Ruffzeechen op villen Amateurradiobänner mat CW, SSB, RTTY sou wéi verschiddenen digitale Modi aktiv. All Bänner, 10-160 Meter, inklusiv WARC-Bands, an all Modi kënne benotzt ginn. All zwee-Wee Kontakter an SWL Berichter wäerte valabel sinn fir den OZ/OX-5ØHRH Präis
Méi Detailer op: https://www.qrz.com/DB/OZ50HRH

 

 

amsatDéi kleng Satellitte EASAT-2 an Hades goufen den 13. Januar gestart, bericht AMSAT. Béid wäerte Ham Radio Notzlaascht droen, déi FM-Voice an Dateniwwerdroung an FSK oder AFSK bis zu 2400 bps ubidden. Den Hades ass fir SSTV a FM Stëmmbeaconen mat de Ruffzeechen AM5SAT (EASAT-2) an AM6SAT (Hades) ausgestatt.

Méi wéi 100 Microsat, Cubesat, PocketQube an aner Satellitte goufen an de LEO  bruecht. D'AMSAT huet d'Radioamateure opgefuerdert fir béid Satellitte ze lauschteren soubal se aktiv sinn.
Den EASAT-2 gouf entworf a gebaut vun AMSAT-EA a Studenten vun der European University of Aerospace Engineering (Aircraft) an Telecommunication Systems (Telecommunication Systems Engineering).
D'Hades Notzlaascht besteet aus enger Miniaturkamera, där hiren Ausgang als Audiosignal am SSTV Modus iwwerdroe gëtt. D'SSTV Firmware erlaabt d'Transmissioun vu Live Biller, wéi och vu Biller déi am Flash Memory gespäichert sinn oder am onboard Read Only Memory (ROM) kodéiert sinn.

EASAT-2 Frequenzen

    145.875MHz uplink
    436.666MHz Downlink

HADES Frequenzen
     145.925MHz uplink
    436.888MHz Downlink


rsgbDe Besoin fir Software a Softwareentwécklung ass och an der Amateurradio Welt eropgaang. Fir déi, déi Englesch beherrschen, bitt den britteschen Amateurradioverband RSGB en Online Seminar iwwer Softwareentwécklung un. Den Heather Lomond, MØHMO, weist wéi een mat Softwareentwécklung unzefänke kann a wouhinn se eis féiere kann. De Seminar kann op YouTube gesi ginn: www.youtube.com.

Inhaltlech wäert dir iwwer dräi einfach Manéieren léieren är eege Programmer ze schreiwen: Uwendungen déi mat der fräier Qt-Software op dem PC lafen; Programmer déi op engem vun den Arduino Boards lafen mat der gratis Arduino Applikatioun; oder wéi Dir mat engem Raspberry Pi an enger Wi-Fi Verbindung entwéckele kënnt. D'Heather, MØHMO, féiert Iech duerch all d'Méiglechkeeten a weist Iech wéi einfach et ka sinn fir vun enger blénkender LED bis zu engem ATV Empfänger ze designen a fir eng voll funktionell Windows PC Applikatioun ze entwéckelen. De RSGB bitt weider Online Seminaren op https://www.rsgb.org/webinars un. Dëst deelt eis den Southgate News Portal mat.


Den DARC huet och seng Palette vun digitale Léierinhalter erweidert. Dir fannt vill Virträg um DARC YouTube Kanal op https://www.youtube.com/user/DARCHAMRADIO oder a Form vu Live Virträg op https://treff.darc.de - kuckt mol do eran.


Bei der aktueller Entwécklung vun de Sonneflécken vum Sonnenzyklus 25 si mir wäit iwwert de Prognosen.  Den SWPC/NOAA Diagramm illustréiert dëst. E weist och, datt de Sonnefléckemaximum 2025 sollt erreecht ginn. Eng interaktiv Grafik kann op der Websäit vum Space Weather Prediction Center (SWPC) vun der US Wiederagentur NOAA op https://www.swpc.noaa.gov/products/solar-cycle-progression fonnt ginn.
Picture5



Picture6D'EZNEC Antenne Software fir Simulatioun a Berechnung ass elo gratis verfügbar. Den Entwéckler Roy Lewallen, W7EL, mécht se op senger Websäit verfügbar fir erofzelueden. Weider Informatioun fënnt een op der Websäit www.eznec.com. Déi, déi Englesch schwätzen, kënnen eng W7EL Presentatioun op YouTube kucken, déi den OM Roy online op der G-QRP Club Convention am Joer 2021 ofgehalen huet. De Video ka gekuckt ginn op: www.youtube.com. Den DL2YMR erklärt op däitsch.

 

Eis Newsletter huet souguer Lieser ausserhalb vun eisem Ländchen, Merci André fir däi Message:
"E grousse Bonjour héi aus Dänemark an all d'Amateuren zu Lëtzebuerg a besonnescht un di néi QSL-Manager."
vum André Engelhardt, OZ2EA, ex LX2EA, hien war vun 1982 bis 1999 eisen RL-QSL Manager.

Sou, dat war et dann mol fir d'Joer unzefänken, a bis am Februar dann erëm.